جامعہ شرینگل کے نئے وائس چانسلر کے اعزا ز میں ویلکم تقریب
واڑی (نمائندہ مشرق )شہید بینظیر بھٹو یونیورسٹی شرینگل کے ویڈیو کانفرنس ھال میں نئے وائس چانسلر پروفیسر ڈاکٹر رحمت علی کے اعزاز میں ویلکم تقریب کا اہتمام کیا گیا تھا جسمیں رجسٹرار بادشاہ حسین،ڈاکٹر محمد علی،ڈاکٹر محمد کمال ، بخت زادہ دانش اورصاحبزادہ مراد حسین کے علاوہ فیکلٹی ممبران اور انتظامی افسران نے شرکت کی۔پروفیسرڈاکٹر رحمت علی کے ویلکم سپیچ سننے کیلئے پورا ھال کچا کچ بھرا ہوا تھا۔رجسٹرار بادشاہ حسین نے پوری جامعہ کیطرف سے ویلکم کیا اور یونیورسٹی کے حوالے سے تفصیلی بریفنگ دی۔ڈاکٹر رحمت علی نے تقریب سے تفصیلی خطاب میںکہا کہ یونیورسٹی کا بنیادی مقصد کوالٹی ایجوکیشن دینا ہے جو ہم سب کی اولین ترجیح ہونی چاہئے۔جب ہم معیاری تعلیم دینگے تو ملک کے کونے کونے سے لوگ تعلیم کے حصول کیلئے یہاں آینگے۔انفراسٹرکچر اور اور دیگر سہولیات فراہم کرنا حکومت پاکستان کی ذمہ داری ہے اور اس میں کوئی شک نہیں کہ جب ہم اپنے منصب کیساتھ مخلص ہونگے تو ہمارے حقوق ہمیں آسانی سے ملینگے۔ انہوں نے مزید کہا کہ کسی کے ساتھ کوئی نا انصافی نہیں ہوگی ایک ٹیم بن کر یونیورسٹی کے تمام معاملات یونیورسٹی کے قانون ہی کیمطابق چلا ینگے جس پر کوئی سمجھوتہ نہیں ہوگا۔
