Kumrat Valley Floods: How Deforestation Is Destroying Dir Kohistan
The author, a local from Dir
Kohistan, recalls the village of Kalkot, the large village before Thal on the
road to Kumrat Valley. Before the 2010 floods it was greener, with trees, fruit
orchards and fields where there is now only rock and riverbed. The 2010 flood
badly damaged Kalkot and changed the look of all of Dir Kohistan.
The author argues that floods and
earthquakes are often blamed on sins, but heavy tree cutting is a major cause.
Thousands of trees are cut each year for winter fuel, and almost none are
replanted. The claim that “it is God’s forest and new trees will grow” is
challenged: a deodar (cedar) takes 100 to 150 years to mature, while cutting
one down takes about 20 to 25 minutes.
The author also says earlier
generations made the same mistake by burning the trees near villages instead of
planting fruit trees. Unless residents change this, floods, earthquakes and
erratic weather will worsen. Rain already falls in snow season and snow in rain
season. The post is both a warning and a call to plant trees.
سال 2010 اور 2022 کے سیلاب کے تباہ کاریاں اور دیر کوہستان کمراٹ ویلی
تحریر: گمنام کوہستانی
جب ہم دیر کے طرف سے کمراٹ جاتے ہیں تو تھل سے پہلے جو بڑا گاوں آتا ہے اسے کلکوٹ کہا جاتا ہے۔ کلکوٹ دیر کوہستان کا ایک اہم اور خوبصورت گاوں ہے۔ یہ آج جتنا خوبصورت ہے ماضی میں یہ اس سے بھی بڑھ کر خوبصورت تھا۔
2010 کے سیلاب سے پہلے یہ بہت خوبصورت تھا۔ آج جہاں پتھر ہے وہاں درخت کھڑے تھے، ہرے بھرے کھیت ہوا کرتے تھے۔ بچپن میں ہم لوگوں نے جس کوہستان کو دیکھا تھا آج کے کوہستان سے وہ بہت مختلف ہے۔ گرمیوں میں ہم لوگ دریا کنارے نہانے جاتے تھے، اس وقت بیلہ میں پھل دار درخت ہوا کرتے تھے آج کے طرح ویران نہیں تھا۔ صرف میں نہیں بلکہ سیری اور مکرالہ کے زیادہ تر بچوں کا بچپن مکرالہ بیلہ میں کھیلتے ہوئے گذرا ہے۔ 2010 کے سیلاب نے کلکوٹ کو بہت نقصان پہنچایا۔ کلکوٹ کیا اس سیلاب نے پورے دیر کوہستان کا حلیہ بگاڑ دیا۔ سیلاب آنے سے پہلے اور آج کےکوہستان میں بہت فرق ہے۔
ہم سے کہا جاتا ہے کہ سیلاب اور زلزلے وغیرہ گناہوں کے وجہ سے آتے ہیں۔ گناہ اپنی جگہ لیکن ہم لوگ بہت زیادہ درخت کاٹتے ہیں۔ سچ میں ہم لوگ درخت کاٹتے ہیں، ہمارے ہاں دیر کوہستان میں ہر سال ہزاروں درخت سردیوں کے لئے کاٹے جاتے ہیں، اور بدلے میں ایک پودا بھی نہیں لگایا جاتا جس کے وجہ سے سیلاب آتے ہیں۔ صاف بات ہے ہم لوگ دوسروں کو تو دھوکہ دے سکتے ہیں لیکن خود کو کس طرح دھوکہ دیں۔ یہاں کوئی بھی یہ نہیں کہہ سکتا کہ وہ سردیوں میں جلانے کے لئے درخت نہیں کاٹتا۔ ہر ایک کاٹتا ہے مجبوری ہے۔ لیکن اس کا یہ مطلب نہیں ہے کہ ہم صرف کاٹیں گے، اس طرح تو ایک دن یہ سب ختم ہوجائے گا پھر آگے کیا کروں گے ؟؟
اکثر کہتے ہیں خدا کا جنگل ہے خدا کی قدرت سے نئے پودے درخت بنتے ہیں ہماری ضرورت ہے مجبوری ہے۔ ٹھیک ہے خدا کی قدرت ہے لیکن قدرت ہماری خواہشوں کے مطابق نہیں چلتی۔ دوسرا پودا خدا کی قدرت سے جلد درخت بنے گا کیسے ؟؟؟۔ دیار سو ڈیڑھ سو سال لگاتا ہے پودے سے درخت بننے میں، پانچ دس سال میں درخت نہیں بنتا کہ آج ہم کاٹ لینگے تو دس پندرہ سال بعد ادھر دوسرا درخت کھڑا ہوگا۔ ہم جس درخت کو 20 پچیس منٹ میں کاٹ کر گرادیتے ہیں وہ پودے سے درخت بننے میں سو سال سے زیادہ وقت لیتا ہے۔
ہمارے بزرگوں نے یہ غلطی کی۔ انہوں نے گاوں دیہات کے آس پاس درخت کاٹ کر جلادیئے۔ اگر وہ چاہتے تو پھل دار درخت لگا کر پھل بھی حاصل کر سکتے تھے اور بوقت ضرورت انہیں جلا بھی سکتے تھے لیکن انہوں نے ایسا نہیں کیا، جس کی وجہ سے ہم آج خوار ہو رہے ہیں۔ اگر ہم بھی وہی غلطی کرینگے جو بزرگوں نے کی تو کوہستان تباہ ہوجائے گا ۔ یہاں سیلاب، زلزلے آئیں گے۔ موسم کا ادھر سے اُدھر ہونا ہم سب دیکھ رہے ہیں، برفباری کے موسم میں بارش ہوتی ہے اور بارش کے موسم میں برفباری ۔ ابھی یہ حال ہے تو مستقبل میں کیا ہوگا ۔

No comments:
Post a Comment